Croeso i wefan swyddogol Cymdeithas Rheilffordd Eryri. Mae’r gymdeithas ei hun yn bodoli i gefnogi Rheilffordd Eryri, gan gynnwys gwaith gwirfoddol i’r Rheilffordd a phrosiectau ariannol i brosiectau’r Rheilffordd.

Mae’r wefan yn diwallu anghenion aelodau’r Gymdeithas ynghyd â'r rhai hynny sydd gyda diddordeb mewn ymuno â’r Gymdeithas.

Ar y wefan hon, fe welwch wybodaeth ar:

• brosiectau y mae’r Gymdeithas yn eu cefnogi

• newyddion o’r Gymdeithas

• ffynonellau o wybodaeth am y rheilffordd

• manteision aelodaeth

• sut y gallwch chi helpu

Y Gymdeithas

Cymdeithas Rheilffordd Eryri yw corff swyddogol cefnogwyr y prosiect i ail-adeiladu Rheilffordd Ucheldir Cymru, rheilffordd lled gul, ar draws mynyddoedd Gogledd Cymru. Bu’r rheilffordd ar gau ers tridegau’r ganrif ddiwethaf. Arweinir y prosiect gan Reilffordd Ffestiniog. Mae aelodau’r Gymdeithas yn chwarae rhan flaenllaw yn ail-adeiladu a rhedeg y Rheilffordd.

Aelodaeth

Croesawir aelodau newydd, pa un ai os ydynt yn bwriadu chwarae rhan ymarferol yng ngweithgareddau’r Gymdeithas neu os ydynt am gefnogi’r Rheilffordd o bell. Mae nifer o fanteision i’w cael am eich cefnogaeth:

• Byddwch yn derbyn copi o’r "Snowdon Ranger", cylchgrawn chwarterol am y Rheilffordd

• Tocynnau braint i deithio ar Reilffordd Ucheldir Cymru a rheilffyrdd eraill

• Cyswllt gyda chymdeithas o gyd-gefnogwyr ledled y wlad

Rydym angen cymorth a chefnogaeth cymaint o bobl â phosib i wireddu’r freuddwyd yma. Os oes gennych ddiddordeb mewn ymuno, yna edrychwch ar ein tudalen aelodaeth.