CWRW AR Y CLEDRAU / RAILALE 2011

Bydd Gŵyl Cwrw Go Iawn y Gymdeithas - Cwrw ar y Cledrau / Railale yn cael ei chynnal ar benwythnos, Mai 20^fed i’r 22^ain. Bydd Gŵyl eleni, y seithfed mewn cyfres lwyddiannus eithriadol ymysg uchafbwyntiau calendr y Rheilffordd, yn cynnwys y gymysgfa eclectig arferol o ddetholiad gwych o gwrw a seidr go iawn ynghyd ag amrywiaeth o gerddoriaeth, bwyd o safon uchel ac, wrth gwrs, trenau stem.

Fel sydd wedi bod yn arferol ers blynyddoedd bellach, byddwn yn cynyddu’r dewis o gwrw da fydd ar gael; y llynedd, roedd 55 cwrw gwahanol i’w dewis ym mhrif safle’r Ŵyl, sef Dinas. Ynghyd ag ystod eang o gwrw newydd i’w dewis, bydd yr hen ffefrynnau fel ‘Dark Ruby’ a dewis da o gwrw o fragdy Mws Piws, Porthmadog. Y cwmni yma fydd yn bragu ‘Cwrw’r Ŵyl. Wrth gwrs, bydd dewis ychwanegol o wahanol gwrw i’w cael mewn lleoliadau eraill sy’n cymryd rhan yn yr Ŵyl; dyma’r prif rai ar hyn o bryd:

• ‘Tafarn Bragu Parc Eryri’ yn Waunfawr’; tafarn gyda’i fragdy micro enwog ei hun wrth ochr gorsaf Waunfawr lle mae dewis o fwyd da ar gael hefyd. Yn ogystal, mae’r dafarn yn berchen ar faes carafanau a phebyll wrth ochr y rheilffordd.

• Tafarn y ‘Black Boy’ yng Nghaernarfon, lle bydd dewis o gwrw ar gael ynghyd â bwydlen ddeniadol o fwydydd lleol a llety



• Newborough Arms, Bontnewydd.   Lleoliad newydd sy'n cynnig detholiad bach o gyrfau real gan ddarparu prydiau o bwyd. Gellir cerdded at y tafarn o arosfan Bontnewydd ar y Rheilffordd.

Dyma’r dewis o adloniant sydd wedi’i gadarnhau:

• Prynhawn Gwener - Neil Wilde - gweler ei safle we - www.neilwilde.com
  

• Nos Wener - ‘Gwibdaith Hen Frân’ - grŵp o gerddorion poblogaidd lleol

• Prynhawn Sadwrn - 'The Rough Shunters.'

• Nos Sadwrn - ‘Y Moniars’ - y grŵp poblogaidd arferol gyda’i gymysgfa o ganeuon roc a pop.

Bydd cymysgfa o drenau arbennig yr Ŵyl, gan gynnwys trenau gwennol ymysg y rhai ar yr amserlen benodol. Bydd yr amserlen gyflawn yn cael ei chyhoeddi’n fuan. Am y tro cyntaf, bydd cyfle i breswylwyr ac ymwelwyr i’r de o Feddgelert deithio ar y trenau yn ystod yr Ŵyl.

Cewch fynediad i brif safle’r Ŵyl yng ngorsaf Dinas trwy brynu gwydr yn dathlu’r Ŵyl.

Petaech yn awyddus i helpu dros benwythnos yr Ŵyl, mae Tym Crowther, Cydlynydd Gwirfoddolwyr yr Ŵyl, yn cymryd enwau. Gallwch gysylltu â Tym trwy e-bost: andy@tymcrowther.eclipse.co.uk. Mae pob math o waith i’w wneud; felly, dowch i gefnogi’ch rheilffordd. Bydd pob elw yn cael ei ddefnyddio i wella’r rheilffordd.

Paratoi ar gyfer y tymor i ddod